FORTE

by Ith

supported by
/
  • Streaming + Download

    Includes high-quality download in MP3, FLAC and more. Paying supporters also get unlimited streaming via the free Bandcamp app.

      name your price

     

1.
03:32
2.
3.
03:44
4.
5.
6.
7.
8.
04:09
9.
03:28
10.
03:37
11.
04:17
12.
05:50
13.
05:58

about

Ith, o grupo de rock que toma o seu nome do fillo de Breogán, estrea neste 2015 o seu proxecto “FORTE”. Este último traballo está cheo de temas que navegan entre o Rock e o Pop máis enérxico. Todas as cancións están escritas en galego e son de composición propia. Toda una aposta “FORTE”.

credits

released February 4, 2015

FORTE foi gravado en Curtis entre decembro do 2014 e febreiro do 2015.
Ith son:
Lucía da Fonte- Voz
Gonzalo Suárez- Baixo e coros
Toxo- Guitarra
Miguel Iglesias- Guitarra e coros
Miguel Folgueira- Batería

tags

license

about

Ith GA, Spain

Ith, o grupo de rock que toma o seu nome do fillo de Breogán, estrea neste 2015 o seu proxecto “FORTE”. Este último traballo está cheo de temas que navegan entre o Rock e o Pop máis enérxico. Todas as cancións están escritas en galego e son de composición propia. Toda una aposta “FORTE”. ... more

contact / help

Contact Ith

Streaming and
Download help

Track Name: Día Novo
DÍA NOVO



Negro
Todo era negro e borrou
Certo
Nada era certo e pechou
O solpor dun día novo chegou
Un día novo chegou



O QUE ERA MÁIS NEGRO A GRISALLA TORNOU
O QUE ERA MÁIS BRANCO EN ESPERANZA MUDOU
O QUE ERA VERMELLO UN SORRISO ALUMOU
E BRILLOU, E BRILLOU, E BRILLOU… UN DÍA NOVO CHEGOU
UN DÍA NOVO CHEGOU



Esperto, un día esperto e vexo
Advirto que algo a belo trocou
O esplendor dun día novo chegou
Un día novo chegou



O QUE ERA MÁIS NEGRO...



E cambiou, a miña vida cambiou
E sorrín, dun día a outro sorrín… x2

E sorrín, e sorrín, e vivín
Dun día a outro sorrín, e sorrín e vivín…




Lucía da Fonte / Xuño 2014
ITH
Track Name: Hoxe por ti e mañá por ti...
HOXE POR TI E MAÑÁ POR TI


E QUERO, E SINTO, QUE TEÑO GANAS DE SORRIR
DEBUXO, ADIVIÑO, EU VISUALIZO UN NOVO PORVIR
E PENSO, NON PENSO NO QUE PODEREI VIVIR
E SOÑO, NON É UN SOÑO, É A RIQUEZA DO MEU EXISTIR
QUE XA NINGUÉN VAI DECIDIR x2


Alma dos seráns, hilaridade sen termo, arroupada sempre estiven
Infames influxos que lles fixeron facer
O que o corazón non quería crer
Infames influxos


E QUERO…


Mais de vez en cando cómpre pensar
Que a alma da xente non é de metal
Aínda que saque sorrisos de onde non os hai
Talvez estea mal



Vivencias coas que medrei
Bo alento, mal alento, que máis dá!
Foi un descubrir
Que un “hoxe por ti e mañá por min”
Eran só palabras que querían dicir
“Hoxe por ti e mañá por ti”



Porque era un dar e non recibir
Cega, ignorante de min
Descoñecía a explicación
A realidade do seu influír



E XA NINGUÉN VAI DECIDIR x2




Lucía da Fonte / 2007- 2014
ITH
Track Name: Non son Eu
NON SON EU


Axitación pola miña instrución
Ocupación do meu tempo, onde deixei a razón?
Onde? x2



Non podo andar, rebento a chorar
Cavilar sen parar do que me espera no máis alá
Onde? x2




BUSCO, ATOPO, NON PODO, SUSPIRO
ENFERMO, PADEZO, NON VEXO, NON SINTO X2



Se o pago contigo, perdoa
Se che berro e che digo, perdoa!
Non son eu x4



BUSCO... X2






Lucía da Fonte / Abril 2009
ITH
Track Name: Recordos que ainda mancan
RECORDOS QUE AÍNDA MANCAN


Conserva o que tes
Relega o que morde
Loita polo que envexas
Indulta a quen te fira


Conserva…


E PASAMOS A VIDA
ESPERANDO QUE PASE ALGO
E ESE ALGO
PODE SER QUE NON CHEGUE
PODE SER QUE TE CEGUE
PODE SER O QUE ESPERES DEL X2


Por iso, fai o que queiras facer
Antes de que se converta no que che gustaría ter feito
Por iso, que non se adhiran a ti os medos que non te deixan sorrir
De tempos que van rancios


Non fagas da túa vida un borrador
Talvez non teñas tempo de pasalo a limpo


E PASAMOS…


Desfruta de quen te ama
Non xulgues o valor do que che pasa
Ata que se disfraza
De recordos que aínda mancan


Desfruta…




Lucía da Fonte / Febreiro 2014
ITH
Track Name: Loitar por ser
LOITAR POR SER



E lembro aquí como te coñecín
Non minto se digo que non te vin
Agora ves aquilo que te empeñabas
... en non ver?
... en non querer crer?
... en non poder saber?
... en non loitar por ser?



Atendía o teu conversar
De Parca e loito, quen saberá?
Dubidaba que era mellor
De non pensar, debo actuar
Tendinche a man, collíchesma
Mais sen razoar



Inxenua naqueles anos
Pululabamos nas noites
As noites de Compostela
Da Carraca á Berenguela


A flor murchou, no estío voou
Outono marrón, na neve esvarou
Non vimos o sol
Quizais eu si
Mais ti non



Xa non hai sol
Non tes máis sol
Non tes máis ar
Non podes, non podes, non podes, non podes respirar


Nada de ti, non, nada de min
Onde estás? Con quen vas?
Xa non estás non, xa non estás!


Lucía da Fonte / Abril 2014
ITH
Track Name: Terapia Breve
TERAPIA BREVE




Cando dámos máis peso ao pensamento que ao sentimento
Hedonismo que nos caracteriza
Ostentación, maldita ostentación que deberiamos facer
mais da única riqueza que posuímos: o sorriso

Fármaco potencial, un cosmético antienvellecemento
Que nos coida, que nos guía, que abriga…



Somos responsables da nosa propia prosperidade
Que non se pode entender sen esforzo e suor
A clave é a conxugación do verbo compartir
E canto máis se fai, máis se é feliz

E se hai que cambiar e ao empeño chamar
A destreza de adaptarse ao que hai
Buscando máis alá x3



Aprender a vivir, esa materia que suspendemos
Como exemplo a seguir, a peregrinaxe



Xa ves, que envellecemos dende a fecundación
Xa ves, que sen sacrificio non hai satisfacción



Aprender a vivir, esa materia que suspendemos
Como exemplo a seguir, a peregrinaxe

O pracer en si non trae a felicidade
Só se é feliz ignorando a futilidade





Lucía da Fonte / Setembro 2014
ITH
Track Name: E logo...Que?
E LOGO… QUE?



Falecer sen querer
Coa vontade de alcanzar
Un lugar que nin sequera se ve



Demoler o cotián
Sen saber onde ir parar
Pregunto:
Para que? Por que? … o que?


REDES QUE NON ESTÁN
QUE SE PERDEN, QUE NON VOLVERÁN
TRANQUILA, QUE A VIDA OUTROS LAZOS TRAERÁ
CAVILANDO MOITAS VECES CUESTIONO:
ATA ONDE SE DEBE CHEGAR?
ATA ONDE VALE A PENA APOSTAR? x2
... E LOGO... QUE?



Se é que hai un obxectivo claro faimo ver
Se é que esta é a forma, déixame!
E cando o humano perde a razón de ser
Eu xa non quero optar a ese poder



REDES QUE NON ESTÁN... x2


... E LOGO... QUE? x2





Lucía da Fonte / Xullo 2014
ITH
Track Name: Deixa
DEIXA



Necesariamente vivo producindo unha ficción para o meu sentido
Na feitura desta escura habitación, cantas horas por finxir?



Necesariamente morto para valer un prezo e unha razón
E seguir finxindo unha e outra vez neste circo interminable de dor



Uuuuuuuuu u huuuu
Uuuuu, huuuu



Non hai saída non hai solución x3
non hai saída non, non, non…


Deixa os teus escudos para loitar
Deixa o que non queiras realizar
Deixa que te leve a outro lugar
Deixa que, deixa que, deixa que…


Outra vez habemos de empezar x3


Outra vez …









Belém Tajes
ITH
Track Name: Django
DJANGO


Non teme á luz, non teme á negritude
Non teme á vida, non teme á morte



Non teme a quen pregunta
Non teme a deus, non
Non teme a quen pode vir
Non teme a quen lle di que non



RESPIRA, E MIRA, E FAITE FORTE X3


Non teme á lúa, non teme ao aviso fatuo
Non teme enriba, non teme embaixo



Non teme a quen pregunta...



RESPIRA, E MIRA, E FAITE FORTE X4


Non teme á sorte, non teme a quen lle importe
Non teme á vida, non teme á morte



Non teme a quen pregunta...


Non teme á sorte...


Non teme a quen pregunta...



RESPIRA, E MIRA, E FAITE FORTE X2


Belém Tajes
ITH
Track Name: Está Ben
ESTÁ BEN


Como unha mosca que peta no cristal
Dalgunha fiestra para poder escapar
Salgadas bágoas aumentan o caudal
Do río seco da túa frustración



DI TI SE ASÍ ESTÁ BEN, TOLO CUSPINDO FEL
AGORA ES MÁIS FORTE? PERDECHES O NORTE



Buscas o aire na fondeira abisal
Burbulla eterna de medo e de rencor
Cego con vista, non é o teu lugar



DIME, QUE QUERES VER? QUE É O QUE QUERES SABER?
TI ES UNHA MOSCA ESGOTANDO AS FORZAS

DI TI SE ASÍ ESTÁ BEN, TOLO CUSPINDO FEL
DESPRECIAS A SORTE, PROCURANDO O NORTE

DEMO, QUE QUERES VER?
TODO AQUÍ ESTÁ BEN





Miguel Folgueira
ITH
Track Name: Explicación
EXPLICACIÓN



Creo estar en silencio cando todo rompe aquí
Non se escoita o alento nin os berros saen de min
É a dor dunha pedra cravada no pulmón
A ferida de guerra dunha loita a traizón



E MARCHO, E FALO, E CALO
QUE TEÑO QUE DICIRCHE
O QUE TEÑO DE MALO x2



E MARCHO, E FALO, E CALO... x2


Non ten explicación x4

Ooh x5
Ohh!!!!








Belém Tajes
ITH
Track Name: Ansiedade
ANSIEDADE


Sobrevivín, da dor fuxín
Quixen probar e ver que podía pasar

Onde acabei? Por que? Non o sei
Fobia me dá que te volvas achegar

Lixo de tremer que me impide ser
aquilo que eu adoitaba ser

Alerta que non deixa que viva o presente
do futuro estou pendente


Lixo…


Alerta…


E tremer, e tremer, e tremer, basta! x 2
E tremer, e tremer, e tremer, e tremer!


QUE É O QUE NON ME DEIXA VER?
É UN QUERER E NON PODER
DESESPERACIÓN, SEN TON NIN SON

QUE É O QUE...
Atemorización



E tremer…


QUE É O QUE NON ME DEIXA VER?
É UN QUERER E NON PODER
DESESPERACIÓN, SEN TON NIN SON

QUE É O QUE...
Atemorización




Lucía da Fonte / Xaneiro 2014
ITH
Track Name: Ith
ITH


Soñabas que había unha orbe ao norte da Brigantia
Medras, e convérteste nun rexo guerreiro
Dende o máis alto da torre a túa intuición faite crer
Que unhas terras ao lonxe estás a ver


Marchas e chegas a ese lugar, a Eirín, verde Eirín
Como a húmida Gallaecia
“Que ben!”-pensaches-“Que pracer!”
Ata que certo cheiro a guerra faite estremecer
Se tentaches pór a paz
Outros entenderon o teu obrar
Dende un diferente ollar




E FORON POR TI, AS TÚAS ENTRAÑAS VOARON
BEN LONXE, BEN LONXE, VOARON
DICÍA TEU PAI: “NON BAIXES DO CABALO”
BAIXACHES, BAIXACHES... VOACHES








Lucía da Fonte / Novembro 2014
ITH